Sprit – Zu Dir

Beschreibung

Die Sprit-Band zu ihrem Werk:

Alli, wo Gott gern i ihrere Muetersproch abätted, wüssed, dass es wenig schwyzerdütschi Lieder gid. Di guet Nachricht isch: Es gid jetzt es paari meh!

D’SPRIT Band hed s’CD-Album „zu dir“ mit 15 sälber gschribne Lieder ufgnoh! Was Dich erwartet uf dere CD:
• 15 abwächsligsriichi, iigängigi und gern gsungni Mundart-Lieder, wo vom Stil her vo Pop bis Rock reiched.
• En Amateur-Band, wo d’Lieder „live im Studio“ ufgnoh hed.
• En authentischi und schlichti Produktion, d.h. es tönt wie ächt und me ghört vilicht sogar de eint oder ander Fehler.
• Alles uf dere CD isch vo SPRIT-eigne Lüüt gmacht worde – au de Umschlag!

S’Ziel vo dem Projekt isch die Lieder enere grössere Zahl vo Chrischte zuegänglich z’mache, demit sie meh i ihrere Muetersproch chönd singe.

Will mier de CD-Umschlag händ welle chlii bhalte, hämmer d’Liedertext elektronisch uf de CD gspeicheret. Eifach d’CD is Computer-Laufwerk schiebe, und denn sett es Fänschter ufgoh, wo mer d’Lieder chan usdrucke (mit Gitaregriff). Als Zückerli hed’s sogar no es paar Filmusschnitt vom Probe und em Studio druf!

Wichtig! Was Dich NED erwartet uf dere CD:
• Perfekti Musig in Radioqualität
• „MusicStars“
• Typische Worship-Sound

So, jetzt chasch Du nümme enttüscht werde – nur no positiv überrascht! Wämmer wette…

Tracklist:
01 Alles was ich bin und han
02 Was chan ich dir scho bringe
03 Ich will dich priise
04 I dinere Nöchi
05 Du hesch alles fescht im Griff (Alli Fäde)
06 De Vorhang isch verrisse
07 Ich hebe mini Händ uf zu dir
08 Öppis wo grösser isch
09 Wer bin ich denn überhaupt
10 Ich suech dich
11 Heilig (Ich will dich känne)
12 Nume dis Bluet
13 Wääge
14 Mini erschti Liebi
15 Schilf